وصفة كب كيك سهلة واقتصادية توضع فى اللانش بوكس للمدارس

 

هنعمل النهاردة مع بعض كب كيك بطريقة سهلة واقتصادية تنفع فى كل مشاويرك فى النادى فى الشغل للولاد فى المدرسة للفطار 

جنب الشاى حاجة كدة مطلوبة فى اى وقت يالة بينا نروح على المقادير :

______ 2 بيضة _ كاس سكر _ كاس حليب _ كاس زيت _ علبة ذبادى ١١٠  جرام _ فانيليا _ رشة ملح _ معلقة كاكاو خام _ ٢٥٠ جرام  دقيق ( ٢ ونصف كاس ) _ كيس بيكنج بودر .

طريقة التحضير : 

_____________ نحضر بولة كبيرة ونضع فيها البيض والسكر والزيت ونقلب جيدا ثم نضع الحليب والزبادي والفانيليا ونقلب جيدا ونضع رشة الملح ونقلب جيدا حتى تتجانس المكونات 

ثم نضع الدقيق ونضع البيكنج بودر مع الدقيق ونقلب جيدا حتى 

يختفى الدقيق ثم نقسم الخليط جزئين جزء اول نضع علية الكاكاو 

والجزء الثانى يبقى فانيليا كما هو ثم نحضر صنية الكب كيك 

ونضع بها اوراق الكب كيك ونضع كل خليط فى كيس حلوانى 

ونصب فى الصينية فى وحدات الكب كيك ويمكن وضع حبيبات 

الشيكولاتة على الوجه ثم توضع فى فرن سابق التسخين على الرف 

الاوسط لمدة تقريبا ١٥ دقيقة وبالهنا .

طريقة عمل الكوكيز للفطار وللأطفال فى المدرسة

 المقادير : 

________ ٢٥٠ جرام ذبدة _ كاس سكر _ كاس زيت _ ٢ معلقة عسل  ابيض _  رشة ملح _ فانيليا _ ٢ بيضة _ ٢ معلقة كاكاو حلو 

_ كاس الا ربع نشا يضاف إلى الدقيق ويكون مجموع الدقيق والنشا 

٣ ونصف كاس _ بيكنج بودر _ ويضاف للعجينة شيكولاتة حبيبات 

 ( شيكولاتة شيبس ) .

الطريقة : 

______ نحضر بولة كبيرة ونضع فيها الذبدة والسكر والملح والفانيليا ونقلب جيدا ثم نضع الزيت ونقلب جيدا ثم نضع العسل 

والبيض ونخلط الجميع جيدا حتى تتجانس المقادير جيدا ثم نضع 

الكاكاو والدقيق المخلوط بالنشاط والبيكنج بودر واحدة واحدة 

حتى تصير عجينة ناعمة  . ثم نحضر الصاج ونضع فى الصاج ورقة ذبدة و نشكل الكوكيز ونضع على الوجه شيكولاتة حبيبات ونضعها فى الصاج وتوضع فى الفرن سابق التسخين على الشبكة حتى النضج وبالهنا .

طريقة تحضير بودرة السحلب تحفة لزوم الدفى

 

النهاردة هنعمل مع بعض بودرة السحلب جميلة جدا احسن من الجاهز بتاع المحلات وهنعمل كمية كويسة تكفى معاكى الشتى كله 

نسم الله ونبتدى المقادير :

___________________

كوب نشا _ كوب لبن بودرة _ كوب ارز مطحون جيدا _ كوب كريم شانتية خام بدون سكر _ كوب سكر بودرة وننخل كل هذا المقادير 

جيدا ثم نضيف كوب زبيب + كوب جوز هند + كوب سمسم .

ونقلب هذة المقادير جميعا جيدا جدا ونضعها فى برطمان محكم 

الغلق حين الاستعمال .

طريقة عمل السحلب :

______________ نحضر حلة صغيرة ونضع اللبن ( لكل كوب لبن 

٢ معلقة كبيرة من المسحوق بودرة السحلب سابق التحضير ويقلب 

على البارد ثم يرفع على النار مع الاستمرار فى التقليب حتى الغليان 

ثم يصب فى الكاسات ويتم وضع زبيب وجوز هند ومكسرات 

على الوجه ممكن من غير اى حاجة على الوجه حسب الرغبة 

بالهنا .

كفتة بدون فرن وبدون قلى طعم رائع جربيها مش هتندمى_ كفتة الفنادق

 المقادير :

_______ نصف كيلو لحمة مفرومة - كوب الاربع برغل _ فصين ثوم 

مفروم _ نصف حزمة بقدونس _ بصلة مفرومة _ ملح فلفل _ بايريكا _ زعتر _ بهارات لحمة $ ثوم بودر ويصل بودر _(كل مقادير التوابل نصف معلقة صغيرة )  _ ٣ معالق مية باردة .

مقادير الصوص أو الباشميل الا هتوضع فى الكفتة :

____________________________________"٣ معالق ذبدة على سمنة أو زيت ونضع علية ٣ معالق دقيق وبعد التقليب شوية نضع 

لتر ونص لبن ونضع قشطة ونقلب ونضع نفس البهارات الا حطنها على الكفتةنضعها على الصوص ونقلب جيدا حتى تصير أقل سمكا من الباشميل الا بنعملة المكرونة .

طريقة عمل الكفتة بالبرغل :

_____________________ نحضر وعاء غويط نضع فى اللحمة المفرومة والبصل المفرومة والبرغل ونقلب جيدا مدة لا تقل عن نصف ساعة حتى تنعم جيدا (ممكن نضع البرغل بدون نقع من الكيس مباشرة ) عشان كدة نقلب جيدا وبعد ذلك نضع التوابل ونقلب جيدا ونضع $ معالق مية باردة ونقلب جيدا ثم نضع البقدونس ونقلب ثم نبداء فى تجهيز الكفتة على شكل دوائر أو كور 

ثم توضع فى الثلاجة حتى نقوم بعمل الصوص وبعد عمل الصوص بالطريقة سابقة الذكر نضع الكفتة ونتركها تستوى ولن يتم تغطية الحلة حتى تستوى وتقدم مع رز بالشعرية وسلاطة وبالهنا .

ممكن الكفتة بعد ما تستوى توضع فى طاجن ويوضع على الوجه 

جبنة موتزاريلا وبعض قطع الفلفل الاخضر ورشة بقدونس وتوضع 

فى الفرن تحت الشواية فقط تاخد لون وتقدم وبالهنا 

ملحوظة قلبوظة :

______________ ممكن نضع مع الكفتة وهى بتستوى فى الباشميل نضع معها ٣وحدات بطاطس مقطعة مكعبات ومتحمرة بتبقى رائعة 

بكدة بتبقى موفرة واقتصادية وجميلة والاولاد هيحبوها جدا وبالهنا

د

اكثر الاكلات ترند على التيك توك

 وصفة مكرونة التيك توك :

____________________

المقادير :.  نصف كيلو مكرونة اى شكل بتفضليه _ كيلو طماطم صغيرة _ ربع كيلو جبنة فيتا ( بيضاء ) رشة زيت زيتون _ رشة ملح _ رشة زعتر _ ٤ فصوص ثوم مفروم _ رشة فلفل اسود _ ريحان فريش أن وجد لو مش موجود مش مشكلة . 

طريقة التحضير :

_________ نحضر صنية ونضع بها الطماطم والجبنة ورشة الفلفل الاسود ورشة زيت الزيتون والملح والزعتر والثوم وندخلها الفرن ٢٥ دقيقة وفى أثناء ذلك نسلق المكرونة ونحتفظ بكوب من ماء السلق 

لوضعها على الطماطم لما تطلع من الفرن نهرس المكونات بالشوكة 

ونجعل الصوص جوسى ثم نضع علية المكرونة ونقلب ونضع ال

ريحان بعد تقطيع. صغير ونقلب ونظبط الملح وتقدم فىطبق بالهنا .

      ______________________________________

حلقات الخيار بالسماق :

________________

هذا الوصفة تعتبر سلاطة جنب اى أكلة ومشهورة كمان على التيك توك جربتها لقيتها حلوة عشان كدة نزلتها عشان تجربوها انشاء الله تعجبكم .

نحضر نصف كيلو خيار ومقطعه حلقات فى بولة كبيرة ونضع عليه 

نصف معلقة سكر وربع معلقة ملح وعصير ليمونه ونضع علية صويا 

صوص أو دبس الرمان وفى الاخر  نضع معلقة كبيرة سمسم ونقلب 

وبالف هنا .

طريقة عمل جاتوة اقتصادى بدون لبن وبدون بيض

 

مرحبا متابعين الجمال النهاردة هنعمل جاتو اقتصادى بدون بيض وبدون لبن وهاش جدا وطرى حاجة كدة تحفة جربية مش هتبطلى اعملى .

المقادير :

----------.  كوب ونصف ماء من الحنفية عادى جدا - كوب سكر 

وفانيليا - نصف كوب زيت - كوبان دقيق - معلقتين كاكاو وينقص من الدقيق معلقتين - كيس بيكنج بودر _ معلقة ص كربوناته _ معلقة خل .

طريقة التحضير:

_____________ نحضر بولة كبيرة نضع فيها الماء والسكر ونقلب جيدا والفانيليا والزيت ونقلب جيدا ثم نضع الدقيق والبيكنج بودر 

والكربوناتة والكاكاو وينخل المقادير الجافة ونضع معلقة الخل ونقلب جيدا ثم نحضر الصاج حجم ٣٠فى ٤٠ ويبطن بدهنه بالسمن 

ويرش بالدقيق ثم يوضع خليط الكيك ويسوى فى الصاج ثم يوضع 

فى الفرن سابق التسخين لمدة نصف ساعة تقريبا ثم يخرج من الفرن ويترك ليبرد تماما .

بعد ذلك نحضر كوب ماء وتذوب به معلقة كبيرة من الشيكولاتة السائحة ( النوتيلا ) وتسقى بها الكيك بعد أن تبرد تماما .

بعد ذلك نقوم بعمل كريم شانتيه ونضع الطبقة الاولى ثم توضع فى 

الفريزر حتى تمسك وبعد ذلك نعمل الجناش عبارة عن شيكولاتة 

خام ربع كيلو تذاب فى كوب لبن ساخن وعلية معلقتين كريم شانتيه بودر ويقلب على اللبن وهو بارد ثم يرفع على النار ليسخن وتسيح فى الشيكولاتة ثم يترك ليبرد ثم يوضع على الكيك ثم توضع مرة أخرى فى الفريزر حتى تجمد ثم تخرج لتقطع إلى قطع جاتو 

وكل قطعة توضع عليها روزتة كريم شانتيه للتجميل  .