.jpeg)
كل عام وانتم خير جميعا المدارس قربت ترتدى وكلنا بنحتار نعمل
سندوتشات اية للولاد عشان ياكلونا وهم مبسوطين مش يرجعوها
تانى معاهم فى اللانش بوكس .
هنعمل مع بعض سندوتشات متنوعة ومختلفة للمدرسة عشان مش تحتارى ولا تفكرى وتتعبى نفسك وعايزين نبعد عن اللانشون والسوسيس عشان المواد الحافظة مش عايزين اى حاجة تضر اولادنا .
يجب وضع خيار مقطع حلقات وفلفل رومى اخضر او الوان فى اللانش بوكس _ ونضع اى نوع فاكهة اولادك بيحبوها لان الحاجات دى مهمة لنمو طفلك .
( انشاء الله هنزل طريقة عمل الكفتة بطريقة اقتصادية وسهلة
جدااا وطعمها خطير هتعجب اولادك جداااا. )
اولا سندوتشات فيها البيض أساسى :
1_ سندوتش بيض اومليت نضع على البيض رشة ملح وفلفل اسود ورشة كزبرة جافة مطحونة بتخلى طعم البيض جميل جدا وعلية نقطع فلفل رومى او الوان مغذى جدا لان الفلفل فى كمية فيتامين سى هائلة ترفع المناعة وعشان البرد ثم نضعه فى السندوتش بعد السوي.
٢ _ سندوتش بيض ونضع على البيض وهو نى قطعة جبنة مثلثات
ورشة ملح ورشة فلفل اسود وقطع زيتون اسود واخضر ونقلب جيدا ونضع طاسة على النار ومسحة خفيفة من الزيت ونضع الخليط نقلبه وهو على النار حتى يستوي ثم نضع فى السندوتش
طعمة رهيب .
3_ سندوتش بيض ونضع على البيض وهونى جبنة رومى مبشورة
وقطع من فلفل الوان وتسوى على النار وتوضع فى السندوتش
4_ سندوتش بيض اومليت وقبل ما نضعه فى السندوتش نضع جبنة شيدر ثم نضع البيض الاومليت وممكن نضع حلقات من الزيتون .
5_ سندوتش بيض بالبسطرمة ونضع علية قطع فلفل اخضر .
6- سندو تش بيض مسلوق ونهرسة فى طبق ونضع علية معلقة مايونيز ومعلقة فلفل الوان ومعلقة بقدونس مفروم ورشة ملح وفلفل اسود نقلب ونضعه فى السندوتش.
7_ سندوتش بيض مسلوق ونهرسة فى طبق ونضع علية جبنة رومى مبشورة ومعلقة مايونيز وقطع فلفل الوان ونقلب ونضع
فى السندوتش .
.jpeg)
8_ سندوتش بيض مسلوق نهرسه فى طبق وعلية بطاطس مسلوقة
معلقة بقدونس مفروم ورشة ملح وفلفل وقطع من الزيتون الاسود
ونقلب جيدا ثم نضع فى السندوتش .
9_ سندوتش بيض اومليت ونضع فى السندوتش قبل البيض بطاطس محمرة ونضع فلفل الوان .
10_ سندوتش جبنة بيضاء مع معلقة طماطم ومعلقة فلفل الوان ومعلقة بقدونس ونقلب جيدا ونضع فى السندوتش .
11_ سندوتش جبنة بالزعتر وقليل من زيت الزيتون ونقلب جيدا
ونضع فى السندوتش .
12- سندوتش بطاطس مسلوقة وعليها ملح وكمون ونعناع أما جاف أو اخضر ونضع فى السندو تش.
13- سندوتش جبنة رومى وعلية قطع فلفل اخضر .
14- سندوتش كفتة انتى اعمليها فى البيت ( انا هنزل طريقة عمل الكفتة فى البيت بطريقة اقتصادية وسهلة وطعمها خطير المنشور الجاى انشاء الله ،،)
.jpeg)
15_ سندوتش حلاوة بالقشطة ( وش اللبن ).
16- سندوتش عجوة بالبيض خطير - نضع طاسة على النار نضع
مكعب ذبدة ونضع العجوة او البلح الاسود به ما تقشرية وتنزع النواة ثم نضع البيض ونقلب حتى تندمج مع بعض وممكن نضع معلقة سمسم ثم نضع فى السندوتش جميل جدا .
17- سندوتش اى نوع مربى حاولى انتى اعمليها فى البيت .
18- ممكن لو تقدرى اعملى سندوتش بانية لو ابنك او بنتك بيحبوه .
19- سندوتش جبنة مثلثات وعليها حلقات زيتون اسود بتبقى خطيرة .
20- سندوتش بطاطس كروكيت ,( بطاطس مسلوقة وتهرس جيدا
ونضع عليها ملح وفلفل اسود وكمون ومعلقة بقسماط ناعم وبيضة
ونقلب جيدا ثم نصبعها زى الكفتة ونضعها فى البيض والبقسماط ونقلى فى الزيت حتى تحمر وثم نضعها فى السندوتش ونضع عليها
مايونيز او كتشب .
ليست هناك تعليقات:
إرسال تعليق