طريقة عمل رول الهوت دوج

كل الأطفال بيحبوا السوسيس فحلو إنك تدخليه مع معجنات وتبقى وجبة فطار أو حتى snake لطيفة للأطفال أو ممكن تعمليها وتأخديها معاكى فى نادى أو حتى تعمليها صغيرة وناخدها المدرسة فرول السوسيس ده سهل ومش محتاج عجان كمان بايدك على طول تخلصيه .

المقادير

2 كوب دقيق
100 جم زبدة سايحة
1 معلقة صغيرة سكر
رشه ملح
1 معلقة صغيرة خميرة
1 بيض
2\3 كوب ماء دافئ

الحشو

6 قطع هوت دوج أو سوسيس
بصل أخضر
بقدونس مفروم
1\2 كوب جبن شيدر مبشورة

خليط التلميع

بيض – 1\4 كوب لبن – رشة فلفل أسود

الطريقة

• نضع الخميرة والسكر والماء مع بعض ونتركهم شوية حوالى 10 دقايق حتى تكون bubbles  .
• نضع الدقيق والملح مع بعض ونخلطهم .

• فى كوب المعيار نضع الزبد السايحه مع البيض ونخلطهم بالمضرب اليدوى .

• نضع المكونات الجافه مع السائلة وخليط الخميرة ونعجن بإيدينا وممكن تحتاجى شوية دقيق تانى بس صغيرين عشان تتشكل كرة .

• نضعها فى وعاء غويط ونغطيها بنايلون ونتركها حتى تخمر .
• حوالى 45 دقيقه وتخمر العجينه يعنى يتضاعف حجمها .

• نقطع العجينه إلى 6 قطع  متساوية ونشكلها كور .
• نعمل كل كورة على شكل مستطيل ونفردها ونضع جواها السوسيس زى السينابون بالضبط نضع السوسيس ونلفها ونقفل كويس الأطراف .

• نقطع العجينه شرائح حوالى 1\2 إنش لغاية ما نوصل للسوسيس  ونقف  لغاية مانخلص الرول عشان نحافظ على شكلها  .
• نقلبهم جنب بعض لغاية ما نشكلهم وردة حسب الحجم الى تحبيه كبير او صغير زى الشكل .

• نعمل العجينه كلها بالشكل ده  ونتركها ترتاح شوية ونجهز صينية قصيرة الحافة ونضع فيها ورق شمع أو زبده .
• نجهز خليط التلميع وندهن وش العجين بخليط التلميع .
• نرش على الوش زى ما تحبى جبن شيدر وبقدونس وبصل أخضر أو ممكن جبن بس .

• نسخن الفرن على 180 ونضعها حوالى 20 دقيقة لغاية ما تاخد لون التحمير الحلو .
• تقدم ساخنة أو دافئ وبإلهنا والشفا .