طريقة عمل القطايف على طريقتى

المقادير

1 كوب دقيق
1\4 كوب دقيق سميد ناعم (دقيق بسبوسه )
1 ونصف معلقة صغيرة بيكنج بودر
1 ونصف كوب ماء
قطرة فانيليا سائلة

الشربات (القطر )

2 كوب سكر
1 كوب ماء
1\2 معلقة صغيرة عصير ليمون
فانيليا

الطريقة

لعمل القطر

1. نضع السكر والماء على النار حتى يغلوا .
2. نضيف عصير الليمون وغلوة وإطفى وكده شربات خفيف لو عاوزاه ثقيل إتركيه شويه .
3. نضيف الفانيليا ونتركه يبرد .

القطايف

• نضع جميع المكونات فى الخلاط ونخلطهم حتى يندمجوا تماما  .

• نتركها ترتاح فى البراد (الثلاجة ) حوالى نصف ساعه .

• على مقلاة غير قابلة للالتصاق وتسخن كويس وبالكبشة أو الاسكوب بتاع الايس كريم أو معلقة ونضع كمية صغيرة على حسب ما تحبى حجمها والأشكال هتتطلع طبعا إبداع لان مش ماكينه الى بتعمل فانتى وحظك طبعا .

• هتظهر فقاقيع كده تعتبر عجينه ناجحه واول ما يختفى اللون الأبيض وتتحمر من تحت فقط نشيلها أنا بحب أطلعها مش متحمرة أوى عشان تبقى طريه للولاد .
• على ورق الزبده نضع القطايف ونغطى وشها بورق زبده عشان ما تنشفش .

• نحشيها زى ما تحبى مكسرات أو كاسترد ونقفلها كويس .

• نحمرها فى زيت غزير وأول ما تتحمر نطلعها ونضعها فى شربات أو القطر .

• تتصفى وتقدم بالهنا والشفا .